+374 55 17-03-03
Գրանցվե՛ք ընդունելության Առցանց խորհրդատվություն
Ամբողջ կայքը
Գրանցվե՛ք ընդունելության Առցանց խորհրդատվություն
Հովհաննես Էդուարդի Դիլանյան
Վիրաբույժ-ուրոլոգ-ուռուցքաբան, բ.գ.թ.

Միզապարկի քաղցկեղ

Ընթերցանության ժամանակը: 5 րոպե
Հոդվածում

Միզապարկի քաղցկեղ տղամարդկանց և կանանց մոտ

Միզապարկի չարորակ ուռուցքը հիվանդություն է, որը հանդիպում է թե՛ տղամարդկանց, թե՛ կանանց մոտ, և որի դեպքում օրգանի ներսում առաջանում են չարորակ նորագոյացություններ: Այս հոդվածում ես ներկայացնում եմ տվյալ հիվանդության ախտորոշման հնարավորությունները և բուժման ժամանակակից մեթոդները:

Միզապարկի օնկոլոգիա

Սարսափելի է: Թվում է՝ բժշկի մոտ այցելության է եկել միանգամայն առողջ մի անձնավորություն: Եկել է, որովհետև մեզում արյուն է հայտնվել կամ ուլտրաձայնային հետազոտության ընթացքում հայտնաբերվել է ուռուցք... Իսկ այստեղ, ահա նորություն. Ձեզ անհրաժեշտ է իրականացնել ցիստոսկոպիա և բիոպսիա. միզապարկի քաղցկեղ ենք կասկածում: Ասեկոսեներ կան՝ քաղցկեղն անբուժելի է: Սակայն, ըստ իս, հուսահատվել չի կարելի: Ներկայումս գոյություն ունի գերճշգրիտ ախտորոշում, որը հնարավորություն է տալիս որոշել ուռուցքի ստադիան, համապատասխան արդյունավետ բուժումը, ռադիկալ վիրահատությունը, ճառագայթումը, քիմիաթերապիան:Շատ կարևոր մի հանգամանք. թե՛տղամարդկանց, թե՛ կանանց մոտ միզապարկի քաղցկեղի ժամանակակից բուժումն այլևս չի ենթադրում խեղող վիրահատություններ: Նույնիսկ օրգանը հեռացնելու դեպքում մենք կարող ենք վերստին ստեղծել այն՝ օգտագործելով աղիքից վերցված մի հատված, ինչը հնարավորություն է ընձեռում խուսափել որովայնից դուրս եկող խողովակներ և մեզով պարկեր կրելու հեռանկարից: Մեծ մասամբ հնարավոր է լինում հեռացնել միայն ուռուցքը՝ պահպանելով օրգանը:

Միզապարկի քաղցկեղի բուժումը

image/svg+xml

Միզապարկի ուռուցքի ՏՈՒՌ. միզուկի միջով ուռուցքը հեռացնելու մեթոդ: Հանդիսանում է առաջին ստադիայի միզապարկի քաղցկեղի դեպքում առաջնային, իսկ առվելի բարձր ստադիաների ուռուցքների դեպքում՝ ախտորոշման (ստադիայի որոշման) պարտադիր մեթոդ:
Միզապարկի հեռացում. ռադիկալ վիրահատություն, որն ուղղված է քաղցկեղի բուժմանը նույնիսկ բարձր ստադիաներում: Մենք իրականացնում ենք այդ վիրահատությունն ինչպես բաց, այնպես էլ լապարոսկոպիկ եղանակներով:
Միզապարկի վերականգնում. որպես կանոն՝ իրականացվում է օրգանի հեռացմանը զուգընթաց, քանի որ հակառակ դեպքում հիվանդն ուղղակի չի ունենա մեզի համար ռեզերվուար, և ցմահ դատապարտված կլինի կրել որովայնից դուրս եկող երկու պարկ:

Միզապարկի քաղցկեղի ախտանիշերը տղամարդկանց և կանանց մոտ

«Օրը ցերեկով գնացի զուգարան՝ ոչինչ չէր ցավում, ինձ գերազանց էի զգում: Նայում եմ՝ արյուն եմ միզում», «Աշխատանքի վայրից ուղարկեցին ընդհանուր բուժզննման: Միզապարկի ուլտրաձայնային հետազոտություն արեցին և հայտնեցին՝ ուռուցք ունեմ: Հատկանշականն այն է, որ ոչ մի ցավ չունեի», «Արդեն ամեն ինչ արել ենք՝ ուլտրաձայնային հետազոտություն, ՀՏ, ՄՌՏ, բիոպսիա... Ասացին՝ միզապարկը հեռացնելու են, ստիպված եմ լինելու ապրել պարկերով...»: Այս ամենը հատվածներ են այս սարսափելի ախտորոշման հետ առնչված հիվանդներիս ստանդարտ գանգատներից:

Շատ հաճախ միզապարկի միզապարկի քաղցկեղի ախտանիշերը կամ արտահայտված չեն, կամ թույլ են արտահայտված: Դեռևս երեկ ամեն բան լավ էր: Իսկ այժմ կյանքը բաժանվել է «առաջ» և «հետո»-ի: Մինչև «միզապարկի քաղցկեղ» ախտորոշումը և հարց՝ «Ի՞նչ անել հետո»: Օնկոլոգիական ախտորոշումը միանգամայն ընդունակ է հոգեբանորեն կոտրել մարդուն՝ թեկուզ միայն այն պատճառով, որ այն իրենից ներկայացնում է կյանքի իրական սպառնալիք, ինչպես նաև՝ ծանր ցավերի և տառապանքների սպառնալիք: Ամենից վատն անհայտությունն ու անորոշությունն են. ի՞նչ, ինչպե՞ս և ինչպիսի՞ հաջորդականությամբ անել: Մի շարք հետազոտություններ ցույց են տալիս, որ բուժումն առավել արդյունավետ է լինում լավ տեղեկացված հիվանդների մոտ, քանի որ շատ հաճախ այդ արդյունքը պայմանավորված է լինում բժիշկ և հիվանդ համագործակցությամբ:

«Գոյություն ունի հիվանդություն, հիվանդ և բժիշկ: Կհաղթի այն կողմը, ում կողքին կկանգնի հիվանդը»:
Հիպոկրատ

Միզապարկի քաղցկեղը միզապարկի լորձաթաղանթի չարորակ գոյացություն է: Ինչպես ցանկացած չարորակ ուռուցք, այն ևս բնութագրվում է բջիջների անվերահսկելի աճով և մետաստազներ առաջացնելու՝ դեպի այլ օրգաններ տարածվելու ընդունակությամբ:

Միզապարկի քաղցկեղի ստադիաները կանանց և տղամարդկանց մոտ

Միզապարկի քաղցկեղի առաջացումը

Դուրս բերվելով մեզի միջոցով՝ բոլոր կանցերոգեններն իրենց ազդեցությունն են թողնում միզապարկի լորձաթաղանթի վրա: Դրանց թվում առաջին հորիզոնականն է զբաղեցնում… այո՛, ծխախոտը:

  1. Փոխակերպվելով՝ միզապարկի լորձաթաղանթի բջիջը սկսում է անվերահսկելի կերպով բազմանալ. նախ առաջանում է առաջին ստադիայի քաղցկեղ:
  2. Երբ այն թափանցում է օրգանի մկանային շերտի մեջ, արդեն գործ ունենք երկրորդ ստադիայի հետ:
  3. Երբ այն դուրս է գալիս միզապարկի սահմաններից, ունենք երրորդ ստադիայի օնկոլոգիա: 
  4. Երբ ախտահարված են մյուս օրգանները, ունենք քաղցկեղի չորրորդ ստադիա:

Բոլորովին պատահական չէ, որ ես խոսում եմ ստադիաներից. այս իրավիճակում ամենասարսափելին այն է, որ արդեն իսկ երկրորդ ստադիայում մարդուն կարելի է բուժել՝ միայն հեռացնելով ԱՄԲՈՂՋ միզապարկը:

…Միզապարկի քաղցկեղի երկրորդ և ավելի բարձր ստադիաները բուժվում են միմիայն միզապարկի հեռացմամբ

Օնկոլոգիայի ախտորոշում

Քաղցկեղի տվյալ տեսակի բարեհաջող բուժումը կախված է մանրակրկիտ և արագ իրականացված ախտորոշումից: Այս մասին անընդհատ խոսվում է բոլոր կոնգրեսների, գիտաժողովների և սիմպոզիումների ընթացքում, սակայն ոչինչ չի փոխվում. մեծ մասամբ կլինիկաներում մեզի մեջ արյուն հայտնվելուն պես հիվանդի կողմից արտահայտված առաջին գանգատից մինչ վիրահատություն ընկած ժամանակահատվածը տևում է մինչև 2 ամիս:
Ես կցանկանայի, որ այս սարսափելի ախտորոշման հետ երբևէ առընչություն ունեցած ցանկացած մարդ հստակ հասկանար. ուռուցքը չի սիրում սպասել: Ժամանակը գործում է ի վնաս հիվանդի:
Արդյո՞ք ուռուցքը չարորակ է: Որքանո՞վ խորն է այն թափանցում օրգանի պատի մեջ: Հասցրե՞լ է այն արդեն ախտահարել հարակից օրգանները: Գոյություն ունե՞ն արդեն մետաստազներ ավշային հանգույցներում և թոքերում: Բուժման ո՞ր մեթոդը կլինի առավել օպտիմալ և հնարավորություն կտա բուժել հիվանդին:
Ահա այն հարցերը, որոնց ջանում է պատասխանել օնկոլոգ-ուրոլոգը՝ նշանակելով հիվանդին բազմաթիվ հետազոտություններ:

Միզապարկի քաղցկեղի ախտորոշումը ենթադրում է երկու հարցի պատասխան. ուռուցքի թափանցման խորությունը և արդյո՞ք առկա են մետաստազներ ավշային հանգույցներում և այնպիսի օրգաններում, ինչպիսիք են թոքերը կամ ոսկորները: Միզապարկի քաղցկեղի առաջին ստադիայի դեպքում ուռուցքն ախտահարում է միայն լորձաթաղանթը: Երկրորդ ստադիայի դեպքում քաղցկեղային բջիջները թափանցում են մկանային շերտ: Միզապարկի քաղցկեղի երրորդ ստադիան բնութագրվում է նրանով, որ ուռուցքը տարածվում է օրգանի սահմաններից դուրս՝ միզապարկի հարակից ճարպաբջջանքում: Օնկոլոգիական այս հիվանդության չորրորդ ստադիայի դեպքում ախտահարվում են կոնքի պատերը, որովայնի պատը կամ մետաստազներ են հայտնվում ավշային հանգույցներում և հեռավոր օրգաններում: Սկբնական ուռուցքի չափը նշանակություն չունի:

Միզապարկի ուլտրաձայնային, ՄՌՏ և ՀՏ հետազոտություններ

Միզապարկի ուլտրաձայնային հետազոտություն

Առաջին հետազոտությունը, որը հնարավորություն է ընձեռում գնահատելու ուռուցքի չափը: Հաճախ այս հետազոտությունը թույլ է տալիս բացահայտել այսպես կոչված՝ «լուռ» ուռուցքները, որոնք դեռևս որևէ դրսևորում չունեն:

Կոնքային օրգանների ՄՌՏ

Հնարավորություն է տալիս գնահատել ավշային հանգույցներում մետաստազների առկայությունը, բացառել ուռուցքի տարածվածությունը հարակից օրգաններում և գնահատել կոնքային անոթների հնարավոր լայնացումը:

Թոքերի ՀՏ

Կրծքավանդակի օրգանների համակարգչային տոմոգրաֆիան պարտադիր հետազոտություն է, որի միջոցով բացառվում է թոքերում մետաստազների առկայությունը: Ցավոք, դրանց առկայությունը վատթարացնում է կանխատեսումը:

Ուռուցքի չափն էական չէ: Կարևոր է դրա՝ միզապարկի պատի մեջ տարածվածության խորությունը:

Ցիստոսկոպիա և միզապարկի ուռուցքի ՏՈՒՌ
Տվյալ հիվանդության ախտորոշման ընթացքում մենք առավել մեծ նշանակություն ենք տալիս երկու հետազոտության՝ ցիստոսկոպիա և ՏՈՒՌ-բիոպսիա: Ցիստոսկոպիան օրգանի զննումն է ներսից: Ուռուցքների առկայության դեպքում մենք իրականացնում ենք միզապարկի բիոպսիա. վերցվում է հյուսվածքի նմուշ՝ հիստոլոգիական հետազոտության նպատակով: Միզապարկի ուռուցքի ՏՈՒՌ-ը միզապարկի բուն ուռուցքի էնդոսկոպիկ հեռացումն է: Վերցված հյուսվածքի հիստոլոգիական հետազոտությունը թույլ է տալիս առավել մեծ ճշգրտությամբ որոշել միզապարկի քաղցկեղի ստադիան: Առաջին ստադիայի դեպքում ՏՈՒՌ-ը հանդիսանում է բուժման մեթոդ:
«Ինչ չբուժվի դեղամիջոցով, կբուժվի երկաթով:
Ինչ չբուժվի երկաթով, կբուժվի կրակով...»

Որքան ավելի լավ է հիվանդը հասկանում՝ ինչպես են պատրաստվում բուժել նրան, այնքան ավելի արդյունավետ է լինում բուժումը: Սա բժշկության մեջ ունիվերսալ օրենք է, այդ իսկ պատճառով՝ ընդունելով հիվանդին՝ մենք բացատրում, նկարում և ցուցադրում ենք բուժման մեթոդների անիմացիաները: Գոյություն ունի սովորական և պարզ մի ճշմարտություն. որպեսզի տիրապետենք մասնագիտությանը, մենք սովորում ենք 10-12 տարի: Կկարողանա՞ արդյոք բժշկական կրթություն չունեցող մարդը հասկանալ մեր դժվարիմաց տերմինոլոգիան: Դժվար թե: Կհասկանա՞ արդյոք նա բուժման բոլոր հնարավոր հետևանքները և ռիսկերը: Կասկածելի է: Կկարողանա՞ արդյոք նա լիարժեք կերպով համագործակցել բժշկի հետ: Ո՛չ:

Որքան ավելի լավ է հիվանդը հասկանում՝ ինչպես են պատրաստվում բուժել նրան, այնքան ավելի արդյունավետ է լինում բուժումը:

Միզապարկի քաղցկեղի բուժումը ուռուցքի դեմ բժշկի ու հիվանդի կողմից մղվող ագրեսիվ, կատաղի պատերազմ է: Մտածե՛ք ինքներդ. այստեղ գործում են թե՛ գերժամանակակից վիրաբուժությունը՝ էնդոսկոպիկ, լապարոսկոպիկ ու լազերային տեխնոլոգիաների կիրառմամբ, թե՛ նախա- և հետվիրահատական քիմիա- ու ճառագայթային թերապիան, թե՛ միզապարկի ռեկոնստրուկցիան՝ հիվանդին կյանքի որակ ապահովելու նպատակով:

Վիրահատություններ միզապարկի քաղցկեղի դեպքում և կոմբինացված բուժում կանանց և տղամարդկանց մոտ

Թե՛ տղամարդկանց, թե՛ կանանց մոտ՝ միզապարկի քաղցկեղի բուժման ընթացքում կարևոր բաղադրիչ է հանդիսանում համակարգային քիմիաթերապիան: Քաղցկեղի երրորդ և չորրորդ ստադիաների դեպքում, քիմիա- և ճառագայթային թերապիայի մասնագետների հետ համատեղ, մենք մշակում ենք բուժման պլան, որը ներառում է նախավիրահատական քիմիաթերապիա, վիրահատական բուժում և ճառագայթային թերապիա: Այո, չափազանց ուշ ստադիաներում ստիպված ենք լինում վիրահատությունից հետո ևս շարունակել քիմիա- կամ ճառագայթային բուժումը, սակայն հուսահատվել և հանձնվել չի կարելի՝ ոչ մի դեպքում:

Միզապարկի քաղցկեղի վիրահատություններ

Միզապարկի ուռուցքի ՏՈՒՌ

Այս մեթոդի դեպքում ուռուցքը հեռացվում է միզուկի միջով՝ «ռեզեկտոսկոպ» կոչվող հատուկ գործիքի միջոցով: Այդ վիրահատությունն ունի երկակի իմաստ. եթե գործ ունենք առաջին ստադիայի ուռուցքի հետ, ապա վիրահատությունը կրում է բուժական բնույթ, իսկ երկրորդ և ավելի բարձր ստադիաների դեպքում վիրահատություն իրականացվում է ախտորոշման նպատակով: Միզապարկի քաղցկեղի ստադիան որոշում է հիստոլոգը՝ հիմնվելով վերոհիշյալ վիրահատության ընթացքում վերցված քաղցկեղային հյուսվածքի նմուշի հետազոտման վրա: Վիրահատության էությունն ավելի հստակ պատկերացնելու նպատակով, խնդրում ենք

Միզապարկի հեռացում

Ցիստէկտոմիա: Եթե ախտորոշվում է երկրորդ կամ ավելի բարձր ստադիաներ, ապա համաձայն Ուրոլոգիայի եվրոպական ասոցիացիայի ուղեցույցների՝ թե՛ կանանց, թե՛ տղամարդկանց դեպքում պահանջվում է միզապարկի հեռացում: Որպես կանոն՝ վերոհիշյալ վիրահատությունն ուղեկցվում է ավշային հանգույցների հեռացմամբ, քանի որ առաջին իսկ մետաստազները տարածվում են հենց ավշային հանգույցներում: Միզապարկի հեռացման դեպքում հարց է առաջանում՝ ինչպե՞ս է հավաքվելու և դուրս գալու հիվանդի մեզը:

Միզապարկի վերականգնում

Ցիստոպլաստիկա: Նախկինում միզապարկի հեռացման դեպքում միզածորանները դուրս էին բերվում որովայնի մաշկի վրա, և հիվանդը ստիպված էր ցմահ իր հետ քարշ տալ մեզով լի պարկեր, որոնք անհրաժեշտ էր պարբերաբար դատարկել: Կյանքի որակի մասին խոսելն անիմաստ էր: Ներկայումս հնարավոր է դարձել աղիքից վերցված մի հատվածի միջոցով ստեղծել նոր միզապարկ: Եթե հիվանդին չի նշանակվել ճառագայթային թերապիա, ապա մենք ստեղծում ենք այդ ռեզերվուարն այնպես, որպեսզի հիվանդը կարողանա միզել բնական ճանապարհով՝ առանց որևէ խողովակի:

Տեղային քիմիաթերապիա

Կիրառվում է միզապարկի քաղցկեղի առաջին ստադիայի դեպքում: Պարտադիր կարգով միզապարկ են ներարկվում կամ քիմիաթերապևտիկ դեղամիջոցներ կամ ԲՑԺ, որոնք ի վիճակի են սպանել քաղցկեղային բջիջները:

Ընդհանուր քիմիաթերապիա

Կիրառվում է միզապարկի քաղցկեղի երրորդ և չորրորդ ստադիաների դեպքում: Վիրահատությունից առաջ իրականացված քիմիաթերապիան 3-րդ և 4-րդ ստադիաների դեպքում նպաստում է բուժման  արդյունավետության բարձրացմանը: Մի շարք դեպքերում քիմիաթերապիան հանդիսանում է բուժման միակ հնարավոր մեթոդ:

Ճառագայթային թերապիա

Միզապարկի քաղցկեղի դեպքում այս մեթոդը մեր կողմից կիրառվում է տարբեր իրավիճակներում: Օրինակ, հետվիրահատական ճառագայթային թերապիան նպաստում է բուժման արդյունավետության բարձրացմանը՝ ավշային հանգույցներում մետաստազների առկայության դեպքում: Այս մեթոդը մենք կիրառում ենք նաև այն դեպքում, երբ անհնարին է վիրահատություն իրականացնել:

Մեր առավելությունները

Պրոֆեսիոնալ մոտեցում. օնկոլոգիական հիվանդությունների ախտորոշման և բուժման առումով ժամանակակից մոտեցում՝ համաձայն Ուրոլոգիայի եվրոպական ասոցիացիայի ուղեցույցների:

Թիմ. օնկոուրոլոգների գիտակլինիկական մասնագիտացված խումբ:

Մասնագետների կոնսիլիում. յուրաքանչյուր հիվանդի վիճակի քննարկում՝ ուրոլոգի, օնկոլոգի, ռադիոլոգի և քիմիաթերապևտի հետ համատեղ՝ բուժման լավագույն ռազմավարություն մշակելու նպատակով:

Սարքավորումներ. “Karl Storz”, “Covidien” և “Philips Medical” մակնիշների սարքավորումներ՝ ճշգրիտ ախտորոշման և արդյունավետ բուժման նպատակով:

Հարմարավետություն. ընդունարանում հերթերի բացակայություն, պրեմիում կլաս ստացիոնար սպասարկում և պրոֆեսիոնալ խնամք:

Անվտանգություն. ախտորոշման և բուժման՝ Ուրոլոգիայի եվրոպական և ամերիկյան պրոֆեսիոնալ ասոցիացիաների կողմից երաշխավորված մեթոդների կիրառում:

Արդյունք. օնկոլոգիական հիվանդությունների ճշգրիտ ախտորոշում և արդյունավետ բուժում:

Նաև՝ հետազոտման և բուժման բարձրագույն ստանդարտները հաստատող GCP սերտիֆիկացում:

Սերտիֆիկատներ
image/svg+xml
image/svg+xml
Տեղեկատվություն այլ քաղաքներից ժամանող հիվանդների համար

Եթե Ձեզ անհրաժեշտ է միզապարկի քաղցկեղի բուժում Երևանում կամ Մոսկվայում, ապա դիմե՛ք մեզ: Մենք կկազմակերպենք Ձեր հոսպիտալացումը ժամանման իսկ օրը, կկատարենք բոլոր անհրաժեշտ հետազոտությունները և կիրականացնենք վիրահատությունը հնարավորինս սեղմ ժամկետներում:
 

image/svg+xml
image/svg+xml
Կարծիքներ
Աննա

Կարծիք՝ www.prodoctorov.ru կայքից
Ամուսինս բուժվում էր Հովհաննես Էդուարդովիչի մոտ: Հիանալի բժիշկ է: Իսկական պրոֆեսիոնալ և խոսքի տեր մարդ է: Հովհաննես Էդուարդովիչն իրականացրեց ամուսնուս միզապարկի ուռուցքի ՏՈՒՌ: Շնորհակալ ենք բժշկին ջերմ ընդունելության և իրականացված բուժման համար: Աստվածատուր բժիշկ է: Բոլորին խորհուրդ եմ տալու դիմել Հովհաննես Էդուարդովիչին: Շնորհակալ եմ Ձեզ և Ձեր թիմին՝ Ձեր աշխատանքի և պրոֆեսիոնալիզմի համար:
Աննա, ք.Եկատերինբուրգ

Միզապարկի քաղցկեղ
կարդալ ավելին
Միզապարկի քաղցկեղ
կարդալ ավելին
Ալեքսանդր

Կարծիք՝ prodoctorov.ru կայքից

Կցանկանայի խորին երախտագիտությունս հայտնել ուրոլոգ Հովհաննես Էդուարդովիչ Դիլանյանին և նրա թիմին: 2016 թվականին նա իրականացրել է ցիստոէկտոմիա՝ միզապարկի հեռացում, և ցիստոպլաստիկա՝ միզապարկի վերականգնում աղիքի հատվածի օգնությամբ: Վիրահատությունից անցել է մեկ տարի. աշխատում եմ, հանգստանում եմ, ապրում առօրյա, այդ թվում նաև՝ սեռական կյանքով, ինչի համար հայտնում եմ առանձնակի խորին շնորհակալությունս: Երկու շաբաթ անց մեկնելու եմ հերթական ստուգման:
Հարգանքով, Ալեքսանդր, ք. Վլադիվոստոկ
 

Միզապարկի քաղցկեղ
կարդալ ավելին
Յանա Բ.

Կարծիք՝ prodoctorov.ru կայքից
Անցյալ տարի՝ դեկտեմբեր ամսին, բժիշկ Դիլանյանը վիրահատել է մայրիկիս՝ վերջին ստադիայում գտնվող օնկոլոգիական հիվանդության կապակցությամբ: Նա միակ բժիշկն էր, որն ասաց, որ հնարավորություն կա. գուցե փոքր, բայց կա: Մյուս բոլոր բժիշկներն ասում էին, որ բուժման մասին խոսք անգամ լինել չէր կարող... Ռիսկը սարսափելի մեծ էր, վիրահատությունը տևեց 10 ժամ և կարող էր ավարտվել ցանկացած պահի: Խոսքը պարզապես մեծ ուռուցքի մասին չէր. այն ախտահարել էր փոքր կոնքի բոլոր օրգանները: Բժիշկ Դիլանյանը վարպետորեն իրականացրեց վիրահատությունը. էնդոսկոպիկ եղանակով նա հեռացրեց ուռուցքը՝ նվազագույն արյունահոսությամբ: Հաջորդ օրը մայրիկիս դուրս գրեցին վերակենդանացման բաժանմունքից: Նրանով զբաղվում էր բաժանմունքի հոգատար աշխատակազմը, իսկ բժիշկ Դիլանյանն այցելում էր նույնիսկ հանգստյան օրերին: Վերականգնման ժամանակաշրջանը բավականաչափ արագ անցավ: Մայրիկիս մոտ առջևում է քիմիոթերապիայի կուրսը և յուրաքանչյուր օր վայելելու ուրախության հնարավորությունը: Հովհաննե՛ս Էդուարդովիչ, շնորհակալությու՛ն Ձեզ և Ձեր թիմին:

Միզապարկի քաղցկեղ
կարդալ ավելին
Ելենա Պ.

Կարծիք՝ www.prodoctorov.ru կայքից

Մեր ողջ ընտանիքի կողմից ցանկանում ենք շնորհակալություն հայտնել Հովհաննես Էդուարդովիչ Դիլանյանին, Նիկիտա Միխաիլովիչ Բլոխինին և նրանց բոլոր գործընկերներին՝ ցուցաբերված օգնության և մեր հայրիկի բուժման համար: Շնորհակալ ենք ջերմ ընդունելության և բարյացկամ վերաբերմունքի համար: Սրտանց ցանկանում ենք Ձեզանից յուրաքանչյուրին և Ձեր բոլորի ընտանիքներին առողջություն, անսահման երջանկություն, աշխատանքային հաջողություններ: Ցանկանում ենք, որպեսզի Ձեզ հեշտությամբ հաջողվի հաղթահարել կյանքում հանդիպած բոլոր խոչընդոտները: Անչափ շնորհակալ ենք:

Միզապարկի քաղցկեղ
կարդալ ավելին
Միզապարկի քաղցկեղ
կարդալ ավելին
Միզապարկի քաղցկեղ
կարդալ ավելին
Միզապարկի քաղցկեղ
կարդալ ավելին